NGJARJET ME RASTIN E DITËS NDËRKOMBËTARE TË HOLOKAUSTIT

(27 Janar, 2006)
Ambasadorja Marsi Ris lexoi një mesazh nga Presidenti Bush për personat e mbledhur në një ceremoni në Tiranë në nder të viktimave të Holokaustit, e cila u organizua si pjesë e Ditës Ndërkombëtare të Holokaustit. Mes pjesëmarrësve kishte familje shqiptare që kishin strehuar dhe shpëtuar jetët e hebrenjve nga Shqipëria dhe vendet fqinje gjatë Luftës së Dytë Botërore, si dhe anëtarë të komunitetit hebre shqiptar. Stacioni Top Channel shfaqi Drejtorin e Misionit të USAID-it në Shqipëri Heri Birnholz në një program të veçantë mbi Holokaustin. Gjatë intervistës, Birnholz tregoi historinë e babait të tij, një mbijetues i Holokaustit, dhe vlerësoi shumë trajtimin e çifutëve nga Shqipëria gjatë Luftës së Dytë Botërore, duke ia bashkangjitur këtë vlerave të thella të tolerancës mes shqiptarëve.